2016年5月10日 星期二

望月月餅

仲記得幾年前嘅中秋,當我知道有呢間月餅店既時候,原來啲月餅已經一早沽清,冇機會嘗試,好可惜呀!好多人都話呢間啲酥皮奶皇月餅整得好好味,聽講師傅係半島出黎自立門戶嘅,係咪真我就唔清楚喇!不過梗係想試下有冇傳聞中咁正啦!
有次望月出咗試味裝,每日限售50盒,每人限買一盒。我專誠親身去到望月買一盒黎試下~

試味裝月餅packing~

有齊酥皮奶黃、黑松露果仁、焦糖果仁同埋松露黑毛豬火腿果仁四款口味呀!

先黎試下主打既酥皮奶黃月餅先啦!個皮真係好鬆軟,內裡嘅奶皇整得軟滑又唔太甜,好啱我胃口
官方網資料:由原創人葉潤發師傳親自監製,嚴選優質材料,全人手製作,保證百分百原創味道

然後試下黑松露果仁月餅,一向唔太like呢類月餅,總覺得老人家先啱食。但一試之下,味道甜甜哋再加埋啲果仁既口感,竟然可以令我食過番尋味呀!好有驚喜~
官方網資料:我們選用純度極高的義大利原裝進口黑松露醬,香氣非常濃郁,不是一般坊間的普通松露醬可以比擬,其香味與我們嚴選的果仁配合得天衣無縫,加上師傅們的精湛手藝,使黑松露果仁月餅色香味俱全。
主要材料:意大利黑松露醬,法國合桃,美國榛子杏仁,伊朗開心果,加州提子乾,配上特製焦糖。

繼續落嚟係焦糖果仁月餅喇!味道同黑松露果仁好相似,又係甜甜哋加埋啲果仁好match好好味,不過黑松露就會較為香啲~
官方網資料:具法式味道的焦糖,甘香無比,高級進口果仁經細心烘焙後,香酥鬆脆,純天然無潻加,色香味俱全。
主要材料:法國合桃,美國榛子杏仁,伊朗開心果,加州提子乾,配上特製焦糖。

最後就係松露黑毛豬火腿果仁喇!一向都唔鍾意食五仁或金華火腿類月餅,所以呢個要留到最後先試。味道同之前兩款差唔多,但由於加入左火腿既關係,的確係令我仍然有啲抗距。不過相信如果一向鍾意食金華火腿月餅嘅朋友應該會覺得好味!因為佢比起一般金華火腿月多咗松露嘅香味,我媽咪就好like喇!
官方網資料:我們選用純度極高的義大利原裝進口黑松露醬,香氣非常濃郁,不是一般坊間的普通松露醬可以比擬。Iberico 火腿被公認為品質最好的西班牙火腿,因為Cerdo Iberian黑毛豬在生理上有少許缺憾,令到脂肪會滲入肌肉內,亦因此使脂肪平均分佈,十分美味。 兩款高級食材,其香味與我們嚴選的果仁配合得天衣無縫,加上師傅們的精湛手藝,使松露黑毛豬火腿果仁月餅色香味俱全。
主要材料:意大利黑松露醬,西班牙Iberico 火腿,法國合桃,美國榛子杏仁,伊朗開心果,加州提子乾,配上特製焦糖。
總括嚟講,我覺得酥皮奶黃同黑松露果仁值得一試!呢幾年中秋一定會買呢兩款自己食,黑毛豬就送比媽咪同奶奶。見到望月facebook專頁已經有消息話即將公開訂購,我仲見到佢哋新出咗Hello Kitty款添呀!有興趣嘅朋友,就要留意住佢哋嘅最新消息喇!


 望月 
電話:2386 7666
地址:香港新界葵涌工業街10-14號華發工業大廈後座28樓6室
網址:http://www.wangyue.com.hk
Facebook:https://www.facebook.com/wangyuehk

沒有留言:

張貼留言