2016年6月6日 星期一

冰極餐廳 Tuxedos Restaurant

我哋間學校通常K3畢業旅行都係去海洋公園,等啲小朋友last一個旅行玩得更盡慶、更難忘!幾年冇嚟過海洋公園喇!原來變咗咁多。上次嚟都未有企鵝睇,知道呢間餐廳可以近距離觀賞企鵝,諗都唔諗就貢咗入去開餐喇!
餐廳設計以藍、白、灰為主色調,加上冷氣好充足嘅關係,仿如置身遙遠嘅冰極一樣呀!

我哋將枱就響大玻璃隔離,呢個lunch time可以同啲企鵝嚟個近距離接觸喇!

小朋友好興奮呀!
不如我哋一齊嚟睇下啲企鵝仔可愛活潑嘅一面啦!







話咁快,晴朗嘅海洋列車兒童餐到達喇!

兒童餐包括車厘茄青瓜菠蘿沙律、雞肉醬配意粉、焗南瓜蕃薯腰果撻、粟米、鮮果、鮮橙汁。整個餐都係以有機材料製成,感覺好fresh、好健康~

火箭菜卡邦尼帶子意大利幼麵:白汁好creamy,帶子煎得啱啱好,意粉軟硬適中,好啱我口味呀!如果可以多一兩隻帶子就perfect喇!XD

吉列豬扒飯配鮮茄汁:豬扒炸到外脆內軟,肉質鮮嫩唔「鞋」口,配埋鮮茄汁好開胃!

炸洋蔥圈:炸得好好味!同outback質素有得fight,小朋友又嚟同我哋爭食喇!要夠快呀!XD

邊食邊睇企鵝真係一樂也~~~

食到中途,遇到朗朗啲同學仔,一齊觀賞企鵝勁開心!

佢哋跟住啲企鵝跑完左,又跑去右,好熱鬧,好開心呀!

朗朗食飽又繼續去睇企鵝,呢一餐真係夠晒豐富喇!

仲比我哋遇見工作人員餵企鵝添呀!十分難得!
睇下啲企鵝仔,佢哋真係好鬼可愛同活潑㗎!特別係開餐時間~~~


大家可以睇下餐牌有咩啱食啦!頭盤及湯、主菜、意大利粉及飯、小食、Pizza類 (按圖可放大)

甜品、套餐、飲品 (按圖可放大)

低碳套餐、兒童餐 (按圖可放大)

低碳美食 (按圖可放大)

同啲企鵝仔玩完一輪,又係時候講bye bye喇!

如果覺得未夠喉,可以過隔離南極奇觀再睇多陣企鵝㗎!

呢個展館好凍,大人同小朋友都要帶夠衫保暖呀!設計最特別係部份地板係玻璃嚟,可以透視下面啲企鵝活動~

就係咁喇!好過癮呀!

再過啲係北極之旅,可以睇埋海獅、海豹嘅精彩表演

呢個熱帶激流好玩呀!可惜晴朗未夠要求嘅120cm高,等佢哋大啲一定要嚟試下有幾激~

上次嚟嘅時候,朗朗1歲都未夠,妹妹亦未出世,第一次一家人一齊坐登山纜車咋!好hyper~~~

埋嚟睇埋嚟揀lu喂!~~

體驗一下交通督導員,晴朗爸爸比佢哋點到駝駝令~ XD

去埋澳洲歷奇睇樹熊啦!

揸船仔都好好玩呀!

響咁大個池放船仔,都係第一次~

體驗一下打鼓樂,滿足感爆晒燈!

同咁細個嘅小朋友嚟玩唔到咩嘢,都係呢啲啦!玩下摩天輪、坐下觀光塔....

輕型啲嘅機動遊戲

睇海豹、鯊魚、中華鱘、雪狐、....

魚、水母、海洋劇場,雖然全部都比較輕ken,但已經足夠玩全日喇!

Ocean Park, we'll be back~~~
數數手指,都有成5年冇嚟過海洋公園喇!可能比較傾向比較近嘅廸士尼樂園啦!原來呢度變咗咁多,多咗好多新發現、新嘢玩。上次去海龍王餐廳,望住個大玻璃睇住啲魚食飯已經夠晒震撼!今次同個玻璃距離超近咁睇住啲企鵝仔游嚟游去,佢哋好活潑可愛,真係食得好開心!食物質素仲要好好!服務唔錯,上菜速度亦算快,整體嚟講都好滿意!今次玩完一天,對海洋公園嘅感覺唔同咗,睇嚟我哋好快又會再嚟玩過喇!

 冰極餐廳 Tuxedos Restaurant 
地址:香港仔海洋公園高峰樂園冰極天地
電話:3923 2161, 3923 2162
網址:http://www.oceanpark.com.hk/tc

沒有留言:

張貼留言