2016年7月4日 星期一

東海堂北海道3.6牛乳軟雪糕

最近有冇發現東海堂出咗軟雪糕呢?我哋就去試咗喇!
尖沙咀天星碼頭分店


鍾意食紫心蕃薯嘅朋友一定會鍾意呢款軟雪糕


店內除咗雪糕,仲有售賣唔同款式嘅飲品。大熱天時,啱晒啦!(可按圖放大)


雪糕款式:北海道3.6牛乳軟雪糕、沖繩紫薯軟雪糕同埋沖繩紫薯牛乳軟雪糕 (可按圖放大)


我哋心大心細,揀mix就可以滿足晒兩個願望啦!


嘆完雪糕的確有種降溫嘅感覺呀!爽!

夏天喇!三十幾度氣溫,響條街度行一陣都流晒大汗。咁啱經過東海堂留意到佢哋原來有雪糕賣,梗係整番杯啦!店員手勢好好,軟雪糕扭得好靚,仲要重量級大大杯,好滿足呀!原來佢哋前排做梗綠茶雪糕,啱啱先換咗沖繩紫薯款咋!尖沙咀天星碼頭分店最近兩星期先開始售賣軟雪糕,店員話有雪糕賣之後,生意好咗好多。全線東海堂只得淘大店、將軍澳店同埋呢間有雪糕賣。淡淡嘅紫薯味加香滑嘅牛乳雪糕,仲要咁足料,抵食啦!唔知遲啲會唔會出番綠茶味呢?好想試埋呀!


 東 海 堂 

尖沙咀天星碼頭分店:九龍尖沙咀天星碼頭KP02店 電話:2369 8816
淘大商場分店:九龍灣牛頭角道77號淘大商場一期地下G12-15號舖 電話:2652 9886
將軍澳廣場分店:新界將軍澳唐德街1號將軍澳廣場1樓1-078號舖 電話:3568 4475

沒有留言:

張貼留言