2016年8月29日 星期一

港島一天遊

九龍、新界我哋就去得多喇!港島區又有咩嘢玩呀?想知我哋去咗邊?一直掃落去睇下啦!
第一站:警隊博物館


一去到就見到呢個大炮台,好興奮呀!


60年代嘅時候,就係靠警員企響呢個交通指揮亭度指揮來往嘅交通㗎喇!


博物館總共有4個展覽廳,包括警隊歷史展覽廳、三合會及毒品展覽廳、警隊今昔展覽廳、專題展覽廳。其中小朋友最有興趣就係警車模型喇!由普通電單車、巡邏車、邊境用吉普車以至防暴裝甲車都有齊,一㗎一㗎列隊排陣,好壯觀!我就較為對警隊歷史有興趣,印像最深刻嘅係以前點樣處置啲犯人,有啲恐怖但又長知識喇!參觀完又要向下一站進發。yeah!!!

警 隊 博 物 館
地址:香港山頂甘道27號
電話:28497019
開放時間:星期二 2:00pm - 5:00pm
星期三至星期日:9:00am - 5:00pm
逢星期一、星期二上午及公眾假期休息
網址:http://www.police.gov.hk/ppp_tc/01_about_us/pm.html


第二站:山頂


扶老攜幼向凌霄閣摩天台428進發lu~~~


上到嚟海拔428米之上嘅觀景台,空氣特別清新呀!


小朋友都顯得特別精神醒目!


快啲嚟睇下無敵維港景色啦!大地在我腳下~ 哼哼!


2016年到此一遊,下年2017又可以再上嚟影喎!不如以後每年都上嚟影番張全家幅囉!XD


雨停下來,雲霧開始散去,感謝天公造美呀!


開始見到國金嘅頂部喇!


回望山頂廣場,陣間要落去四圍參觀同影相先~


大廈同海景都已經出晒嚟喇!望住咁靚嘅景色,心曠神怡,好舒服呀!

凌 霄 閣 摩 天 台 428
電話:25220922
開放時間:星期一至星期五 10:00am - 11:00pm

星期六、日及公眾假期 8:00am - 11:00pm
入場費:成人$48/位,小童(3-11歲)及長者(65歲或以上) $24/位
網址:http://www.thepeak.com.hk/tc/5_2_1.asp


行過去山頂廣場途中,見到咁特別嘅山頂纜車,梗係要攝番張啦!cheers~


噴水池旁邊嘅地上有啲腳印,小朋友咁又可以玩一大餐,做小朋友真開心!


原來山頂纜車於1888已經通車喇!服務咗我哋超過一個世紀。犀利呀!(可按圖放大)


經過甜品店,佢哋啲雪條好吸睛!


小朋友已經為自己挑選梗喜愛款式喇!


每款都好吸引喎!但胃就只得一個,唯有忍痛放棄其他,就揀芒果味啦!


小朋友同女仕們見到甜品個樣原來係一樣㗎!好濃郁嘅芒果味道,yummy~ yummy~ 記得留番啲比媽媽喎!@@'''

ISEE iSEE Handcrafted Icy Desserts
地址:山頂山頂道118號山頂廣場地下
電話:23373361
Facebook:https://www.facebook.com/iseeiseehk


上到旅遊巴,我好自然就會化身為鴨仔團導遊,為大家介紹下一站資訊~


晴朗究竟聽到咩咁驚喜雀躍呢?XD


第三站:McDonald's派對 - 邊個話麥記開party只係為小朋友而設㗎?今次兩位主角都係大唔透嘅媽媽級


小朋友齊來簽個大名先啦!~~


開餐囉!包包、薯條任你食~ so happy~~~


麥當勞派對點少得麥當勞姐姐陪你一齊玩遊戲呀!第一個遊戲玩bingo喎!


抽中邊款食物,你張咭有嘅就中一個,連中四個就贏喇!


密密中~ 禮物密密送!


暫時中咗三個,繼續努力呀!


wow~ BINGO!!!


中獎喇!送你飛行旗遊戲~


休息時間係唔會嘥㗎!Keep住hyper盡情地玩囉!


第二個遊戲玩收買佬,小朋友都好快按麥當勞姐姐要求攞晒啲物品過來喇!


今次攞鎖匙包,當然要有埋爸爸媽媽嘅配合,件事先會快靚正啦!XD


又有禮物喇!派對最開心嘅似乎唔係主角,而係班小朋友喎!


講得冇錯呀!真係玩得好開心㗎!禮物密密送,陸逐有來~


1.5小時嘅歡樂派對,包括咗食、玩同埋切蛋糕,十分之充實呀!*o*


嚟到食蛋糕時間就差唔多到達party尾聲喇!


臨走仲有禮物包派發,又食又拎真開心!

 麥 當 勞 (士美菲路店) 
地址:香港堅尼地城士美菲路12F-G文光閣地下
電話:28174130
派對收費:最低消費$2000 (送生日主角禮物1份及小朋友禮物10份,其後每份生日主角禮物$50/份,小朋友禮物$26/份)
網址:http://www.mcdonalds.com.hk/content/hk/ch.html


嚟到最後一站:數碼港


朝早都仲落梗大雨,估唔到下午天氣變得咁好呀!


小朋友可以響大草地上自由跑,興奮mode已經亮起喇!gogogo~~~


平日比較少親親大自然,見到樹枝已經可以自得其樂一番~


嘩!無敵大海景,好靚呀!


回望後面嘅係一棟棟摩登建築,響呢度住一定好正啫!發下夢先啦!~ XD


沿住海濱跑步,邊跑邊欣賞沿岸景色,幻想下都開心~


小朋友在大草地上跳大繩,放電一流!


怕曬嘅可以坐響樹陰底下休息,真係一個唔錯嘅好地方~


小心有蛇?乜呢度曾經試過有蛇咩?(驚~)


同陽光玩咗咁耐,又係時候入去室內地方涼快下喇!向數碼港商場進發~


真係湊巧!咁啱商場舉辧梗「夏日數碼運動會」活動,又有嘢啱小朋友玩喇!


場內好熱鬧,活動吸引咗不少一家大小細到歡渡family day~


小朋友一眼就已經瞄到充氣彈床喇!佢哋對呢方面一定係最靈敏~ XD


跳呀!彈呀!撞呀!Sir~~weeee~ 玩個痛快囉喂!


玩完仲可以行下呢度嘅玩具店,wow~ 地方好大呀!


周圍有好多bear bear熊,啱晒女孩子啦!


lego模型都有好多款式~


但都係軟淋淋嘅毛公仔比較吸引我哋


店內仲有啲玩具開咗出嚟比小朋友試玩添!


我想帶呢隻狗仔番屋企呀!汪汪~

 Wise-Kids 
地址:香港薄扶林數碼港商場101店
電話:26138800
網址:http://www.wisekidstoys.com


快樂嘅時間過得特別快,又係時間講拜拜喇!

港島一天遊圓滿結束,好順利呀!警隊博物館帶比我哋好多警隊知識,又對佢哋了解多咗。不過場內禁止拍攝同喧嘩,有興趣去嘅朋友就要留意喇!山頂真係一個好舒服嘅地方,除咗睇風景仲有好多嘢玩,如參觀蠟像館、於小朋友遊樂場玩樂、坐下山頂纜車等等,而且仲有好多好味兼風景正嘅餐廳,有咩紀念日都可以考慮上去慶祝下喎!麥記party唔知係幾時轉咗1.5小時時間呢?我記得以前時間冇咁短。不過好在事前已經比定心理準備班小朋友,大家都食得好快,派對開心又充實!去到數碼港嘅大草地,相信都可以玩上半天。如果行埋商場,又或者在商場戲院睇埋戲,可能要預大半天喇!晴朗媽媽都係響港島大嘅,其實港島仲有好多好玩嘅地方,我哋會繼續發掘,一齊再去大玩特玩呀!


晴朗 - 食·玩·育·美·愛の親子平台
facebook專頁:https://www.facebook.com/happytrain123
blog:http://blog.xuite.net/chinglongtin/blog

沒有留言:

張貼留言