2016年8月2日 星期二

智趣樂園 Wiseland Adventure

上個月嘅「智趣樂園」活動因天雨關係延期至今個月,終於可以如期進行喇!果然不負眾望,好好玩呀!等到頸長都係值得嘅!
天朗氣清,戶外活動一流!我哋正向智趣樂園進發喇!


入到去就會有一系列精彩活動~ Are you READY???


成個樂園佔嘅地方都好大喎!


放低晒啲嘢,稍作休息~


小朋友就四圍走走,鬆展下筋骨~


活動開始喇!呢位係輝哥哥,會帶領我哋今日嘅活動㗎!


活動一:DIY心意朱古力。輝哥哥教梗我哋點整呀!


大人同小朋友都好專心聽喎!


我哋攞咗啲錫紙兜,就可以創作出不同形狀喇!


以前整朱古力多數都係用一啲形狀兜仔,冇諗過可以咁樣自製形狀,好考創意呀!


形狀完成!排隊去倒入朱古力漿lu~


放埋七彩朱古力針做裝飾,大功告成!


原來大家都好有創意㗎!哈哈!


未見過野外嘅洗手間都會設計得咁靚,而且每一格都擺放咗一個蚊香,可以驅蚊之餘仲會散發出淡淡嘅香味。乾淨企理我鍾意!


朗朗笑到咁我都估到有古怪㗎喇!原來佢將晴朗爸爸鎖咗響廁格。唔講住!我要去救人呀!XD


一個跟一個排好隊~ 我哋要去第二個活動喇!


途中見到稻草人,好可愛呀!晴晴第一次見咋!


活動二:踩高蹺。輝哥哥正講解點玩法,好搞笑呀!


聽完講解,各人都去同小朋友練習喇!


晴朗爸爸同朗朗一組~


而我就同晴晴一組,女子組,sure win啦!^^V


各就各位!賽事一觸即發~


賽事開始喇!頭馬似乎係朗朗領先喎!好多猛將都從後逼近呀!


但好快就已經比人過咗幾個馬位,落後梗喇!要努力追番先得~


最後剩番幾隻落後嘅馬仔,繼續努力!我哋要有體育精神加嘛!加油!完成埋個比賽啦!XDD


活動三:迷宮。所有小朋友集合咗響迷宮嘅入口,預備進入裡面接受唔同嘅考驗喇!


第一關要無懼木頭車嘅速度,去到對面


第二關係要衝破迷宮內重重難關


第三關要搵出路


第四關跨過埋啲障礙物就到達終點喇!所有小朋友都做得好好呀!


活動四:木頭車大賽。小朋友事氣高漲,似乎對比賽都充滿信心咁喎!


首先由大人推住坐在木頭車嘅小朋友過對面


然後小朋友要推番大人番起點,夠唔夠力㗎?


睇嚟要全家出動先得喇!XD


第2 round係小朋友推小朋友,好熱鬧呀!


各人玩得好投入,誰勝誰負都已經唔重要喇!


玩到攰晒!開餐囉喂!~ 媽媽們一早已經為大家預備好食物喇!五臟廟正式啟動~


小朋友都唔客氣喇!早上嘅活動一定消耗咗好多體力啦!


邊吃邊傾,小朋友嘅感情越來越好,好朋友就係咁樣建立番嚟㗎喇!~ ^^


如果覺得唔夠,仲可以過小賣部買啲小食或者飲品添!


我至愛嘅熱浪呀!*o*


活動五:樂器製作。輝哥哥教梗我哋點樣DIY樂器呀!


首先要響顏色紙上畫出喜愛嘅動物


然後放一啲鈴鈴入去紙杯內


呢啲七彩繽紛嘅鈴鈴係咪好靚呢?


小朋友都好用心製作,抵讚!


晴晴個熊仔樂器完成囉!~~


活動六:DIY彩石畫。考考小朋友嘅專注力時間嚟喇!


留心聽住輝哥哥教點整,巧乖唷~


到我哋落手整喇!比心機呀!


好靚呀!估唔到用啲彩石粒可以整出咁靚嘅圖工。朗朗話送咗比我喎!好鍾意呀!


晴朗嘅作品,我要帶番屋企貼起佢先得~


樂器都已經風乾好喇!點玩好呢?


一邊聽住輝哥哥嘅鼓聲,一邊聽小朋友嘅歌聲同樂器聲。好amazing呀!*o*


twinkle twinkle little star.... 呢個臨時嘅表演好得!小朋友玩得開心,大人聽得更開心。Good Show!!!!


活動七:原野神射手。小朋友都係第一次接觸射箭咋!感覺好新奇刺激~


朗朗已經好期待喇!


加油呀!


晴晴都好比心機學習,個個變晒小小神射手喇!


活動八:草原保齡球。由於戶外太好陽光,我哋就改為有蓋操場進行啦!


保齡~ 保齡~ 男女喜愛玩球!呢個遊戲好吸引小朋友呀!玩咗好耐都唔捨得停~


朝早整嘅朱古力出爐!食番自己親手整嘅朱古力特別好味!yummy ~ yummy~~


有時間剩不如打番part鼓先啦!


開心大發現!呢度全部都係拍羞草嚟呀!


環境唔錯!仲有時間四圍影下相~


好欣賞郊外地方都可以佈置得咁企理,打理方面一定花咗不少功夫~


門口位置有幾個影相位,攝下先~ hehee


呢度只係樂園嘅一部份,地方真係好大呀!


咁大個草地,啱晒小朋友追追逐逐同玩遊戲啦!


有埋盆裁襯托,環境就更加優美喇!


唔記得天上面有咩咁吸引呢?小朋友都望晒上天空~ 我哋大朋友好滿意今次活動呀!

活動當日,天氣真係好到不得了呀!在陽光下玩樂,特別清楚可見每個小朋友嘅燦爛笑容。智趣樂園係一個唔錯嘅親子玩樂好地方,地方夠大,活動又多,帶領遊戲嘅哥哥仲好有愛心添!教識小朋友投入玩樂之餘都要遵守規則,臨走已經同班小朋友熟晒,好專業、好有heart。值得推介!佢哋嚟梗會舉辦露營活動,有興趣嘅朋友可以參閱以下資料(按圖可放大)

Wiseland Adventure
地址:新界錦田水頭村633地段109約
電話:2473 6800
網址:http://www.wiseland.com.hk

沒有留言:

張貼留言