想食生蠔想咗幾個月喇！
晴朗爸爸上網比較過幾間，結果揀咗位於大角咀嘅Oyster Station。Book 6點食頭水，但我哋5點幾已經到達，十分之期待呀！(≧∇≦)
Summer Special：$10一隻蠔，好抵食喎！*o*
餐廳內，環境舒適闊落。貼牆嘅有梳化位~
而我哋貼玻璃嘅位都唔錯丫！hohoo~
我已經瞄準生蠔吧，準備出擊喇！XD
睇睇餐牌先~ 我哋要點算一下食幾多隻同埋點落order法~
商議咗一陣，決定先試$396/12隻生蠔，如果唔夠再試多幾隻$10/隻果啲 (可按圖放大)
我哋叫果set可以在生蠔吧選擇$39價錢果啲生蠔，環顧一下，生蠔由$39-$58不等。揀咗6款，好心急呀！
話咁快，我哋啲生蠔就上枱喇！woo~ Hoo~~
咁難得嘅機會，梗係要同呢盤嘢影番張啦！好興奮呀！
第1款：來自美國嘅American Pearl
好大隻呀！不過味道較淡。呢隻算係幫我哋熱下身啦！
第2款：來自南非嘅Namibia
同樣係好大隻，仲要超肥美，肉厚而且口感好好。勁like呀！*o*
第3款：來自愛爾蘭嘅Irish Premium
做乜個樣咁瘦削㗎？同之前果兩款差咁遠嘅？
唔好畀佢嘅外表扼咗，原來細隻得嚟好好味，亦好濃海水味。晴朗爸爸好欣賞！
第4款：來自蘇格蘭嘅Crubreau Pearl
又係超肥美嘅一款
肉厚，海水味濃。最驚喜係有粒帶子肉，勁好味囉!!! 一隻真係唔多夠喉呀！
第5款：來自澳洲嘅Coffin Bay
比起頭先果啲較細隻，海水味冇咁重，蠔味就勁重...
第6款：來自紐西蘭嘅Tolaga
相比頭先果款，呢款肥大肉厚好多
照計最後一隻應該係最濃味，但食落蠔味唔係太重，亦冇乜海水味
話咁快就試完6款，晴朗爸爸話要反轉晒啲殻比較下喎！(好無聊呀 XD)
頭先咁美滿嘅時光誠惠$396 ($_$)
意猶未盡，決定來多round $10/隻嘅生蠔
店員介紹過$10/隻冇得選擇，會幫我哋揀番南非嘅Namibia款式。感覺上冇之前果啲咁肥美，但食得出都係優質嘅生蠔嚟！唔錯唔錯！
食完咁多蠔飽飽哋，但冇理由晚餐靜係食蠔㗎？於是我哋又睇下餐牌，打算試下呢度嘅意大利飯 (我嘅至愛~ (≧∇≦)) (可按圖放大)
荷蘭大菇配黑松露野菌意大利飯 - 好creamy！亦好足料！而且食得出餐廳選用嘅係新鮮食材，好好味！下次一定要再encore同埋獨享先得呀！XD
左右隔離都叫到成枱滿滿的食物，其實餐廳仲有好多其他美食，但我哋已經容不下喇！決定出去行下街再食宵夜。大家可以參考下餐牌先啦！^^
頭盤 (可按圖放大)
主菜 (可按圖放大)
PIZZA (可按圖放大)
小食 (可按圖放大)
行完街，食埋義順嘅薑汁撞奶成件事變得好完美呀！(又好掛住澳門喇~)
今次嘅生蠔宴果然冇令我哋失望呀！
http://blog.xuite.net/chinglongtin/blog/468472289
Oyster Station Snack & Oyster Bar
大角咀店：大角咀詩歌舞街83號亮賢居地下一號舖 電話：2457 1233
尖沙咀店：尖沙咀諾士佛臺1號7樓 電話：3188 5818
樂富店：樂富聯合道198號樂富廣場街市地下401-402號舖 電話：2549 0132
土瓜灣店：土瓜灣宋皇臺道38號傲雲峰地舖 電話：3514 3062
網址：http://www.oysterstation.com.hk
等到同晴朗爸爸去拍拖，終於有化妝嘅理由喇！新屎坑，快啲試下新買嘅BB Cushion、定妝粉餅同muscara先！
而且越撲越透亮無瑕果種感覺真係好正呀！
最驚喜嘅係補妝時，皮膚都唔會出現乾裂情況。
既然bb cushion粉芯較易變乾，咁咪即係要我密啲化妝囉！冇辦法啦！要靚就唔可以懶㗎喇！
重溫[PART 1]：