2016年9月7日 星期三

兒童遊樂場@澳門新濠影滙

上次入住新濠影滙,plan咗第二朝會落遊樂場玩,晴朗由酒店房望落去遊樂場已經好期待喇!但可惜咁啱遇著果朝早遊樂場有拍攝活動,入唔到去玩好失望呀!今次食完早餐又上去睇下,終於順利到達遊樂場喇!好開心!一定要把握機會玩過痛快先得~
遊樂場以海盜船為主題。事不延遲,去玩囉!~~~


在船上望出窗外,好似真係搭梗海盜船咁呀!(喂喂!加些少幻想力啦!XD)


朗朗預備瀡滑梯跳船喇!


敵方艦隊正向我方展開攻擊,快啲發炮向佢哋還擊啦!BOOM~


咦!畀我哋發現咗藏寶圖喎!跟住路線行可能就可以搵到寶藏㗎喇!


移動機關後,真係見到寶藏。今次發達喇!XD


再試下其他機關,會唔會有更多新發現?


Yo~hoo~~ 妹妹妳響邊呀?


轉呀轉...唔通呢個又係藏寶機關嚟嘅?


海盜船背面


轉動一下俄羅斯輪盤,話唔定可以轉出你想要嘅寶物㗎!


場內仲有另一個兒童遊樂設施,比較細啲嘅小朋友都啱玩~


仲有鞦韆添呀!


響香港,有鞦韆嘅公園已經買少見少。嚟到澳門見到鞦韆,簡直開心到震啦!


等我又玩番轉先!邊盪邊望住酒店嘅8字摩天輪,好寫意呀!


過去人造草地玩下囉!gogogo~~~


晴朗都係第1次接觸籃球咋!入籃果刻勁滿足,開心到跳起~


玩充氣彈床唔駛排隊都係第1次,盡情玩囉喂!


We~~~


啲巨形保齡球仲高過你哋,搬唔搬得郁㗎?XD


估唔到又排得幾好喎!踢~~~中呀!


再嚟!踢得多足球會唔會有甲組腳㗎?XDD


我哋去試下用手發球啦!


瞄準目標,預備拋呀!


好球!(掌聲鼓勵~)


終於可以完成心願,玩得好開心呀!yeah!!!

新濠影滙3樓除咗室外泳池 - 綠野游踪好玩之外,原來兒童遊樂場一樣咁好玩。早餐過後朝氣勃勃,又係放電嘅好時機呀!食飽又去玩,咁先至係小朋友嘅童年生活加嘛!放咗好多電,又要休息回一回氣喇!我哋仲有好多精彩豐富嘅節目㗎!唔好咁快用晒啲電呀!順帶一提,遊樂場只供新濠影滙住客使用,想過澳門玩不妨考慮下入住新濠影滙喇!


 新 濠 影 滙 兒 童 遊 樂 場 
位置:澳門路氹連貫公路新濠影匯3樓
開放時間:09:30~18:30
新濠影滙網址:http://www.studiocity-macau.com/tc

返回Encore澳門新濠影滙之旅(室內活動版本)http://blog.xuite.net/chinglongtin/blog/451100263

沒有留言:

張貼留言