萬聖節有咩做呀？
活動一：萬聖節塗鴉派對
派對開始喇！Are you READY???
導師正用英語為小朋友講梗巫婆故事
聽完故事就要排排坐，為派對做下熱生先喇！
工作人員即場為小朋友整咗啲棉花糖
派到我哋喇！軟棉棉嘅質感，好得意呀！
正當晴朗響度研究梗棉花糖之際，有小朋友轉頭就將棉花糖食咗。導師問點解冇咗嘅時候，全場都大笑起來~ XD
下一個步驟就係將啲魔法水倒落去棉花糖度喇！
原來棉花糖遇水後會消失，仲變成咗一杯飲品添！好神奇呀！
晴朗好快就將呢杯神奇飲品清晒，一定好好味喇！
熱身過後，每位小朋友搵一個圓形坐好先~ 導師即將為大家講解一陣間要做啲咩嘢~
一個跟一個排好隊，出嚟攞支巨型畫筆先啦！
嘩！支筆仲高過朗朗喎！畫唔畫到㗎？ XD
有信心一定得！練習進行中...
落咗啲顏料之後，就可以開始畫喇！
在場嘅小朋友都好落力喎！
晴晴仲話要填滿晒整張畫紙，畀心機呀！
另一位巫婆姐姐過來教我哋點做，好似好專心咁喎！XD
開始要用手指畫喇！
原來顏料嘅質感會令小朋友咁開心㗎！
仲越畫越興奮添！「我所有手指都沾滿顏料喇！」~
落埋隻腳去幫手先~ 幅畫真係落手落腳去畫㗎！冇扼人~ XD
貼上紫色圓形紙咭，又多啲創作空間喇！
繼續努力填色~
用手脂當作畫筆，盡情在畫紙上發揮創意~
響屋企咁玩法實畀人鬧啦！今次想點污糟都得！就把握機會用自己嘅方式盡情享受玩顏料嘅樂趣啦！
玩完一輪，手腳都污糟晒，係時候要清潔一番喇！
巫婆姐姐為我哋清潔腳部，好痕呀！XD
工作人員又忙碌起來，為每位小朋友製作棉花糖~
臨走記得攞一支帶回家呀！
我哋番屋企又試下可唔可以將棉花糖變消失先~ it's Magic!!! ^o^
活動二：Fun享故事工作坊
為我哋講故事嘅係一位故事爸爸，佢叫做「肥哥哥」呀！XD
首先，肥哥哥詢問每一位小朋友嘅年齡，資料有助搵出合適嘅故事書㗎！
肥哥哥需要搵幫手，小朋友都好踴躍呀！
晴朗一齊幫手，原來係要幫忙「篤」啲顏色圓點喎！內容都幾有趣~
過程中不停出現爆笑場面，小朋友們都好享受肥哥哥講嘅故事，樂在其中
又拍手...
又做晒手勢咁，大人都睇得好開心呀！
需要搵幫手，有冇人願意呢？「我，我，我....」
肥哥哥講得十分生動有趣，小朋友都聽得全神貫注~
故事分享中，仲加入咗互動元素，玩得特別好開心呀！
當講到緊張情節嘅時候，大家嘅神情都變得認真起來~
原來故事係大團圓結局，正是小朋友期待嘅畫面呀！Happy ending~~
活動三：趣味玩學數學工作坊
有冇人知？「我知！我知！」，又遇到一班踴躍活潑嘅小朋友喇！
導師正講解基本加法，個個都好專心上課呀！
如果可以運用一啲數學玩具，小朋友學習起上嚟就更加覺得有趣味啦！
開始教量重嘅概念喇！每邊放3粒珠珠，兩邊平衡嗎？
用唔同大小嘅熊仔來試下又得！將綠色(9號)放響天秤嘅一邊，而黃色(3號)同藍色(6號)放響另一邊，重量會一樣嗎？/p>
「我知！我知！」~~~ 小朋友真係好踴躍回答呀！
朗朗都來嘗試，有得幫手投入感特別高~
再用唔同嘅熊仔嘗試下啦！玩具可以令知識變得有趣味性，學到嘅嘢就更加易入腦啦！
接住落嚟要搵小朋友幫手餵鬼鬼食糖果
鬼鬼每次會有特別要求，小朋友都要搵出一個南瓜+一粒糖來滿足鬼鬼
晴晴嘗試中...
答啱咗喇！yeah!!! 滿足感爆燈！
朗朗都唔弱㗎！餵鬼鬼餵得好開心呀！
鬼鬼仲未飽喎！有冇小朋友可以幫手呀？導師教得生動有趣，小朋友就一定會專心投入啦！
落堂仲有糖果派，實行又學又拎呀！
仲未捨得走？係呀！我哋想留多陣玩下數學玩具。對學習嘅興趣就係咁樣培養番來㗎喇！好啦！玩飽先走啦！
今個萬聖節節目真係豐富喇！
愉景新城 D · Park
地址：荃灣青山公路398號愉景新城
網址：http://www.dpark.com.hk
