「大樹先生」？個名咁熟嘅？
「大樹先生」位於荔枝角D2 Place TWO，10月5日先正式開業咋！
Wow~ 去到門口已經人頭湧湧，大樹都好多fans喎！
約齊好友，預備入去「反」餐勁嘅喇喂！~~~
在門外望入去大型波波池，已經覺得勁吸引！好心急！快啲放我入去呀！~~~
未見過一間餐廳可以提供咁多bb櫈，果然係一間用心嘅親子餐廳
晴晴櫈都未坐暖，已經9秒9走入去遊戲區，真係心急得不得了呀！XD
首先梗係入去波波池感受下啦！\^o^/
晴晴勁興奮！JUMP~~~
藍波偏地，就好似在海洋暢泳一樣~
已經進入忘我境界喇！wakakaa~
小朋友笑到咔咔聲，原來同遊戲姐姐玩得好開心呀！
一二三...Weeeeee~ 話咁快又瀡番落波波池。雖然大人唔瀡得，但睇住佢哋玩已經好感受到果份滿足感~
從爬梯爬番上去先~ 上上落落，又可以放多啲電喇！XD
不如入去橋底探索下囉！
原來喱埋玩波波池仲好玩喎！你睇我唔到...你睇我唔到......
響波波池上捐隧道你又試過未丫？
靜係波波池都玩咗好耐，不如我哋過去玩具區玩下啦！
有啲啱比較細小朋友玩嘅玩具
木製大樹玩具又幾特別喎！
大人可以坐響大樹形梳化上休息，不過小朋友好似當咗佢係彈床咁跳，仲不停摘蘋果添！XD
嘩！晴晴夢寐以求嘅廚房組合呀！仲要有7組咁多，發達喇！*o*
快啲去超級市場買番啲材料先~ 新鮮食材至可以煮出美味食物加嘛！
又遇到遊戲姐姐，今次要餵食物畀小動物食呀！umm umm umm... 好味！
由於時間關係，晴晴同朋友已經夾份開咗檔雪糕店喇！仲努力研發不同口味添！
個個小朋友都化身為小廚師，一齊煮出無限創意囉！
開心農場可以讓小朋友學習邊一啲食材種在樹上，邊一啲又會係種在地上？等佢哋認識到不同嘅蔬果，仲有土壤同埋樹，又好玩又學到嘢喎！
0-24個月遊戲區又有咩嘢玩呢？
小小韆鞦+滑梯
學習行樓梯同瀡滑梯，可以響度幫啲bb練習感統訓練喎！
小型波波池啱晒細小嘅baby玩啦！晴晴~ 妳瞓落去會唔會大件咗啲呢？XD
仲有超迷你嘅廚房，識爬識走嘅baby就啱玩喇！
0-24個月區唔啱妳玩㗎喇！都係出番嚟玩下其他玩具啦！在大樹的幼兒世界內，小朋友可以透過玩木製小火車緞練手動力、想象力同空間感應嘅認知能力
樂器攞上手就自動波自彈自唱，唔駛用mic都可以唱得好興奮！XD
嘩！係女孩子見到都會呼叫嘅公仔屋！屋內由吊燈、小床、小梳化，以至樓梯、客廳、洗手間都一應俱全！連大人都想玩埋一份呀！
場內仲有個沙池，全部沙粒都係來自台灣嘅高爾夫球沙，非常幼滑，而且唔會黏身。沙上已放置不同嘅玩沙玩具，快啲去玩囉！
晴晴勁愛玩沙，響呢度玩到差啲唔捨得出來食嘢呀！
玩完沙可以用風筒吹走小朋友身上嘅沙粒，好貼心！
發現沙池旁邊有部洗波波機，原來餐廳每隔幾日就會清洗場來啲波波一次。啲波波係由台灣空運到港，有國際認可，唔會踩凹，仲會定期轉換顏色以確保衛生添！咁家長畀小朋友去波波池玩都可以放心啲啦！
介紹完玩就講下食喇！話明親子餐廳，兒童餐具一定不可缺啦！部份餐具放咗出來供客人自取，唔錯唔錯！
望入廚房都算幾乾淨企理，不過眼睛好快就被凍櫃啲蛋糕所吸引，流晒口水喇！
會轉動嘅紅色風車，別具特色！小朋友食嘢之前記得到風車旁洗手喎！
大樹小食綜合拼盤
豬仔脾拼雞翼
黑松露野菌義式燉飯
頂級牛排義大利麵
兒童餐
個肚仔發出古古聲，開餐囉喂！~~~
食到半路中途，小朋友得番晴晴一個，其他都去晒遊戲區喇！XDD
食飽就梗係繼續玩啦！波波池真係好有吸引力~
小朋友響遊戲區自得其樂嘅同時，大人可以安坐在座位嘆番餐，呢種感覺實在太美妙喇！
又遇到遊戲姐姐喇！好欣賞職員不停同小朋友玩，呢份工一定要有愛心同耐性先得呀！
想知道仲有咩嘢美食？來來來！一齊翻開餐牌睇睇啦！
主菜 (可按圖放大)
義式燉飯/義大利麵 (可按圖放大)
小食 (可按圖放大)
茶/熱飲、特飲/冷飲 (可按圖放大)
咖啡 (可按圖放大)
其他飲品/蛋糕 (可按圖放大)
「好好玩呀！下次要再來過大樹先生的家玩！」(並非設計對白)
一直深受家庭歡迎嘅「大樹先生的家」在台灣有3間分店，訂位至少要等兩個月。
「大樹先生的家」香港1店
消費：6歲以下小童進入遊戲區，需付清潔費 (平日$59/假日$79)
6歲以上小朋友不得進入遊戲區，大人每位最低消費$120 (6歲以上皆算大人)
地址：荔枝角長順街15號D2 Place TWO 1樓F舖
訂座電話：31840033
facebook：https://www.facebook.com/mr.tree38
沒有留言:
張貼留言