2016年10月4日 星期二

郵遞傳情日

為響應世界郵政日,香港郵政每年都會定一日為「郵遞傳情日」,已連續舉辦咗13年喇!今年定於10月7日,每人都可以免費在本地寄出一封私人信件給親友,您都快啲將心意免費傳達至您關心嘅人啦!
我哋上年都有參加,同朗朗介紹「郵遞傳情日」之後,佢就神神秘秘將心意畫咗落去白紙度,仲入埋信封叫我唔好偷睇添!XD


去到郵局會見到一個特別收集箱,設計得好精美,好顯眼,唔難搵~


代朗朗寄出,唔知幾時會收到呢?


一日時間就寄到嚟屋企喇!效率好高喎!今年可以試下寄畀公公、婆婆、爺爺、嫲嫲,等佢哋開心下先~

仲記得小時候經常會同朋友或筆友以書信來往,雖然等待回信嘅時間好漫長,但每當收到信件都會好興奮㗎!不過而家科技太發達,一個whatsapp就已經可以將訊息傳達,再拎起支筆寫信嘅機會真係少之有少喇!「郵遞傳情日」係一個好好嘅機會,等我哋教導小朋友以筆墨向摯愛親朋傳達溫暖心意。大家都快啲同小朋友準備啦!星期五就係喇!

投遞安排和條款:
http://www.hongkongpost.hk/tc/other/2016/lovepostday/index.html

沒有留言:

張貼留言