junior AIR CREW小機師/小空姐活動

大家仲記唔記得細個嘅時候寫「我的志願」係寫咩嘢呢？我仲好記得係太空人，因為可以衝出香港、衝出地球，上太空睇下係點嘅。junior AIR CREW香港站可以幫小朋友一嘗心願，體驗不同職業訓練。10月份就進行咗小機師、小空姐體驗，一齊嚟睇下訓練情況啦！
我哋係第二場時間：11:45 - 13:45

11:15到達已經見到人頭湧湧喇！原來咁多小朋友都想嘗試做小機師、小空姐呀！

首先去登記同埋領取證件先啦！

證件包括咗小朋友嘅機師證、家長觀課證，同埋一張boarding pass

攞住換領制服券去攞制服囉！~

紫色嘅係空姐服，而白色就係機師服喇！啲制服熨得好夠直同企理喎！

領帶、裇衫、西褲，一份份整齊排好。負責制服嘅職員都好有經驗，一睇小朋友幾高就知道攞邊個size。成個過程都好順暢，唔駛等好耐~

入更衣室換衫，好期待朗朗嘅小機師造型呀！

嘩！眼前一亮！朗朗型咗咁多嘅？*o*

換好衫就要預備開工喇！我哋係Class 4，要到Zone B集合

係呢個報到處喇！一個跟一個排好隊，隨時候命！

突然響起《衝上雲霄》主題曲：歲月如歌，然後一班機師和空姐列隊出來，好有型呀！*o*

小機師們進入特別通道，去開工lu~ 俾心機呀！

飛行教室及飛一般構造原理進行中...

學習完之後，機師向小機師們發問，考考一眾小機師吸收咗幾多飛行知識

另一邊霜，小空姐們都好努力學習喎！

仲嘗試送餐添！

家長觀課時間到，可以入去參觀下喇！

一班小空姐歡迎我哋，好可愛呀！

原來有咁多小機師喎！全部都好型仔型女~

咦！我見到朗朗喇！Hello!!!

飛行廣播任務進行中...

機師向小機師們介紹不同國家嘅國旗

呢個好明顯係我哋熟悉嘅香港特別行政區區旗啦！

問題環節嚟喇！覺得問題啱嘅就企去tick果邊，錯嘅就交叉啦！

之後仲有見習機師評核試同埋逃生充氣滑梯演習

小機師、小空姐訓練進入最後階段，家長可以趁呢個時候領取禮品

想帶支咁精美嘅卡通磁石筆番屋企？like主辦單位嘅facebook page啦！

like晒3個page就搞掂！

場內有多個佈景區提供畀一班學員影相，可見主辦單位係幾咁認真同細心

離港主題

飛機跑道主題

家長們正期待畢業典禮嘅來臨

首先出嚟嘅係一班可愛嘅小空姐

小機師都學成歸來喇！

家長們都熱切期待自己嘅小朋友出場，場面好熱鬧，亦好似接機咁呀！XD

朗朗同埋其他小機師畢業喇！

上完堂好似醒目咗喎！XD

頒埋證書，禮成！

嘩！駛唔駛咁chok呀？XDD

難得穿上機師制服，跟住落嚟嘅時間梗係影多啲相啦！

我個仔今日好型呀！(≧∇≦)

魚眼效果之下，型氣盡消...XD

一班機師及空姐都要告退喇！唔該晒！

好開心可以參與JOBS junior今次嘅小機師活動，為小朋友提供一個真正「打工」滋味。朗朗學完番嚟仲教番我哋想成為機師要160cm高先得！仲有膊頭有4條柴先可以正式揸飛機，佢得1條只可以做後備機師咁話喎！好搞笑！小朋友除咗可以學到專業知識，仲可以穿起套咁有型嘅制服，好滿足呀！

上JOBS junior網頁見到嚟梗仲有好多唔同嘅職業，下次都想再嚟玩過呀！
邊份工啱晴晴多啲呢？廚師？紀律部隊？工程師？管理階層？醫生護士？還是表演者呢？
都係等晴晴自己揀啦！大家有興趣嘅話，快啲like佢哋facebook page接收最新消息，好快又會有下一種職業推出㗎喇！

JOBS junior
facebook：https://www.facebook.com/JOBSjuniorsimulation
網址：http://www.goodmorningclass.com.hk/jobsjunior