早前風靡一時嘅《Secret Garden》填色畫冊，你有冇參與其中呢？
今個聖誕，又一城與《Secret Garden》原創者喬漢娜(Johanna Basford)攜手於2016年11月25日至2017年1月2日期間呈獻「又一城・喬漢娜的聖誕秘密花園」。
喬漢娜更親自挑選6大插畫打造成3D聖誕秘密花園，將原本典雅細緻的黑白線條變身成為3D現實世界，活現眼前。
喬漢娜特別為又一城獨家設計的聖誕插畫
搖身一變，已經將插畫世界帶到來大家眼前，係咪好靚呢？
巨型聖誕樹高達21米(70呎)位於LG2層，配以喬漢娜特別設計的巨型樹頂裝飾及各式各樣的聖誕裝飾，將平面變為立體。It's Magic~
就連畫中嘅Red Nosed Reindeer都變埋出嚟！栩栩如生~
一齊走進童話般嘅聖誕秘密花園囉！~~
源自喬漢娜2015年的《魔法森林》中的其中一幅插畫，插滿蘑菇嘅樹屋，好可愛呀！
在不同花卉佈置的聖誕叢林樹影間穿梭，仿如走進童話聖誕中，好有氣氛！
期間仲可以近距離欣賞到巨型聖誕樹裝飾添！晴晴：「個波波仲大過我個頭呀！」~ XD
細心欣賞每一角落，打造得十分之精緻細膩~ it's Amazing!!!
源自喬漢娜2015年的《魔法森林》中的其中一幅插畫
變呀！將黑白變成色彩繽紛嘅3D藝術裝置，美景盡現眼前
喬漢娜特別為又一城獨家設計的另一幅聖誕插畫
畫中的樹屋及鳥居、栩栩如生的可愛小兔及狐狸等裝飾由畫中來到現實，實在太不可思議喇！
晴朗正和小白兔玩耍，係咪好似真嘅一樣呢？
小朋友們個個昂頭仰望，似乎對於樹屋感到很有興趣，仲打算爬梯上去視察一番添！
樹下嘅大型聖誕裝飾都設計得十分優雅獨特，亦都好吸引小朋友注意呀！
源自喬漢娜2013年的《秘密花園》中的其中一幅插畫
變身！又將整幅畫變成為立體喇！位於G層的《秘密花園》好靚呀！
《秘密花園》唔只觀賞咁簡單，仲可以嚟到我哋身處嘅聖誕互動虛擬實境遊戲區享受VR感官體驗添！
戴上遊戲設備裝置就可以玩㗎喇！
透過虛擬實境技術，就好似置身於一個不一樣嘅秘密花園一樣，超真實！
朗朗獲得100分，唔知算高定低呢？哈哈！如果你都想體驗一下嘅話，可於2016年12月1日至27日期間於又一城以電子消費滿$200或捐贈$20給「高錕慈善基金」，就可以玩㗎喇！
聖誕節最開心當然係見到聖誕老人啦！嚟又一城捐獻$80，就可以到「聖誕老人秘密花園」同聖誕老人合照喇！
影完相，仲送喬漢娜精心設計嘅限量版相架添！所有款項將全數撥捐至「高錕慈善基金」為腦退化症病患者、家屬及照顧者提供協助。可以同聖誕老人合照，又可以做善事，何樂而不為呢？
CHALKapella全亞洲首間限定店位於UG層，於2016年11月25日至2017年1月2日期間售賣不同尺碼的Chalk-A-Tee
Chalk-A-Tee係乜東東嚟呀？「CHALKapella聖誕親子工作坊」令我哋大開眼界。Chalk-A-Tee其實係以黑色無毒性物料製塗鴉畫布面所製成嘅Tee，晴朗前面果兩件就係喇！
100% 純棉，質地柔軟舒適，設有大人和小童尺碼。晴晴果件係3-4歲碼，而朗朗就要5-6歲碼喇！
利用特製Chalk Crayon粉筆顏料，可以在Tee上嘅「黑板」位置任意繪畫，發揮創意~
粉筆仲附有一張顏色指引，教你點樣溝出更多顏色，令圖畫顏色更加豐富~
來自馬來西亞嘅Ms. Lilian就係CHALKapella嘅創立者喇！Chalk-A-Tee亦都係由佢發明㗎！
Ms. Lilian正教導小朋友點樣在Tee上繪畫聖誕樹。首先用白色粉筆起稿，然後就可以上色~
仲介紹咗三款混色效果嘅做法添！
晴朗都著手開始發揮小創意喇！朗朗好專心咁用白色起稿，果然有留心聽書喎！XD
話咁快已經見到聖誕樹同埋樹上嘅裝飾喇！
晴晴都開始填色，但係似乎對圖畫有啲唔滿意喎！
唔緊要！用濕紙巾輕輕一沫就可以當擦膠咁沫走晒㗎喇！
再次變番空白嘅「黑板」，呢個就係Chalk-A-Tee嘅特點喇！可以重複使用，既方便又環保~
晴朗把握最後時間，努力完成作品中~
聖誕老人突然出現於小朋友面前，一眾小朋友仲向聖誕老人介紹自己所創作嘅Chalk-A-Tee添！好Surprise呀！
完成後，大家都攞住自己獨一無二嘅作品和聖誕老人及Ms. Lilian影番張合照~ CHEERS~
好有滿足感！好開心呀！
Chalk-A-Tee係點樣嚟㗎？原來係由Ms. Lilian最初為自己一家人設計同款親子裝而來的，Ms. Lilian覺得簡單畫下就可以著出街，又冇壓力。唔鍾意又可以沫過再畫，又環保，如果概念可以成真幾好呢！好早就已經有咗呢個concept，但一直未有機會作進一步發展。直至發生了上年的緬甸災難後，全個城市都變得好重負能量。Ms. Lilian希望可以將早前嘅concept發展為災難中的小朋友帶來歡樂，一件衫可以走天涯，天天有新衫著，如果可以成事就好喇！改變負能量情況就係創作Chalk-A-Tee嘅原動力，經過一年嘅研發，使用不同物料和材料來製作Tee上黑板嘅部份和獨有無毒素粉筆，終於成功將當初嘅idea帶到市面。大量製作送給有需要的小朋友，直至Ms. Lilian冇辦法再支付經費，就將成件事轉化為一盤生意，繼續將「CHALK FOR A GOOD CAUSE」- 積極關懷社會參予慈善公益活動嘅信念延續落去。一向都好欣賞對慈善公益抱有熱誠嘅人，相由心生，Auntie Lilian真係好nice呀！
晴晴番到屋企已經急不及待要繼續完成未完成嘅圖畫喇！
仲畫埋聖誕老人在聖誕樹下添！滿足感爆燈呀！
Chalk-A-Tee套裝售價$298，包括Chalk-A-Tee一件同埋特製Chalk Crayon粉筆一盒
每出售一件Chalk-A-Tee將會捐出$10給「高錕慈善基金」，給予患者及家人鼓勵與支持！既買到好玩嘅Tee，又可以幫助到有需要嘅人，大家都快啲踴躍支持啦！用來慶祝不同節日、主題舞會及生日派對，送禮自用都一樣咁啱㗎！
好好玩呀！聖誕節又多個氣氛濃厚嘅好地方喇！大家都快啲嚟又一城感受一下啦！
又一城於聖誕期間會有連串精彩節目，
包括最受大人同小朋友歡迎嘅聖誕大巡遊，來自海外嘅巡遊隊伍將以華麗舞衣化身成聖誕花仙子，
為觀眾帶來精彩雜技歌舞及聖誕表演，喜歡熱鬧嘅你就一定唔好錯過喇！
由2016年12月2日至2017年1月2日於又一城G層更會舉行「高錕慈善基金」慈善義賣，大家可以隨意挑選聖誕禮物之餘又可以做善事，好有意義呀！
於2016年12月5日至31日期間，仲可以參加「又一城・聖誕天使送愛心填色比賽」添！有機會贏取又一城購物禮券$8000、iPad Pro連Apple Pencil、Scribble Pen智能填色筆、《Johanna's Christmas》填色冊及Chalk-A-Tee等豐富禮品。而且每收到一張參賽作品，將捐出$10予「高錕慈善基金」。為腦退化症病人及親人增添色彩！比賽詳情將於12月5日在又一城Facebook專頁內公佈。
「又一城・喬漢娜的聖誕秘密花園」活動時間表 (可按圖放大)
未暇出席為慈善出一分力？唔緊要！大家只需「Like」CHALKapella Hong Kong Facebook及「Follow」其Instagram專頁，每100「Like/Follow」人次，CHALKapella便會送出1件Chalk-A-Tee給「高錕慈善基金」。仲等咩呀？快啲集齊親友一齊給與患者及家人更多的鼓勵和支持啦！
CHALKapella Hong Kong 專頁：
Facebook：https://www.facebook.com/CHALKapellaHongKong
Instagram：https://www.instagram.com/chalkapellahk
Festival Walk 又一城
網址：http://www.festivalwalk.com.hk/tc/
Facebook：https://www.facebook.com/FestivalWalk
