化靚妝，不如護好膚啦！
只要有幼嫩嘅肌膚，就算唔化妝都已經好靚，仲會睇落後生好多添！
早前見CLINICZ全港獨家嘅「水原共生」療程，先進嘅科技，加上新引入嘅儀器，覺得好吸引呀！
愛靚一族又點可以錯過？跟貼啲，跟住我哋嚟啦！
位於尖沙咀The One嘅CLINICZ旗艦店，裝修好cyber，已經急不及待想入去體驗一下喇！
通過自動玻璃門入內，原來地方好闊落。坐響梳化等待期間，留意到四周嘅環境都佈置得十分時尚新穎。樓底高，感覺地方就更加大喇！地方大、梳化又多，同時間接待多位客人都唔成問題啦！
療程總監先請我去呢度卸妝，初時仲以為係裝飾嚟添！
行近啲原來係一個小型化妝間，好神奇呀！洗面奶、酒精、水、卸妝棉、棉花棒一應俱全~
卸妝後，入咗去一間圓柱形嘅房，感覺就好似坐響子彈形嘅太空船駕駛艙咁呀！預備啟航～XD
其實呢個係CLINICZ同韓國著名微整形醫生團隊共同研發嘅「720皮膚紋理及輪廓分析」，當自動玻璃門閂埋之後，我坐住嘅櫈會自動旋轉，系統會以光學線點定位，用最新嘅VR拍攝原理幫我以多角度拍攝面部全方位輪廓，拍攝得到嘅相片對測量同記錄都有好大幫助㗎！資料會上載至醫院級別嘅「DCIMS醫療電子服務追蹤系統」，紀錄療程進度，同時讓療程總監可以更精確辨識我所需要提升嘅空間！我哋平時照鏡多數只係見到正面或者最多45度角，至於鰓側面位置就比較少留意，而儀器就可以幫我更仔細去睇番呢啲位置喇！
拍攝完後，就做肌膚紋理顯影測試喇！睇番皮膚格仔紋嘅情況，令我知道我皮膚嘅真實狀況同需要，可以更準確咁對症下藥改善問題。每一次療程前後都會做㗎！有效記錄療程進度同確保療程效果。
左面同右面嘅面頰位置 (療程前)
療程總監話我知「水」同「膠原」對於解決面部肌膚問題係好重要嘅元素，缺一不可。而「水原共生」療程除咗可以激活膠原層之外，同時亦幫肌膚補水，提供有利嘅肌膚環境去養活膠原，比起市面上就咁食膠原產品或就咁做膠原嘅treatment來得更好、更有持久效果。
原來要知道自己肌膚真正問題同需要，單靠眼睇係唔夠㗎！要睇埋皮膚嘅格仔紋先得，皮膚紋理先係最真實可以反映到肌膚嘅狀況。
健康嘅格仔紋應該會見到有規律嘅三角形，缺水型嘅皮膚紋理會好似樹皮咁，缺乏咗格仔紋理，靜係得啲橫紋。療程後會慢慢可以見番格仔紋，第28日嘅效果最為顯著~
鬆弛型皮膚紋理就好似被擦膠擦走咗啲格仔紋咁，比較模糊，療程後第28日就可以逐漸建立番健康嘅格仔紋。膚色同角質都會比之前唔同咗，白淨咗同埋冇咁多角質響面上面，皮膚會係健康咗㗎！
毛孔粗大嘅紋理就好似月球表面咁，同樣響療程後亦可以慢慢見到紋理有所改善~
其實今次我體驗嘅「水原共生」療程共分三個step~
Step 1：膠原激活
Step 2：水養膠原
Step 3：延效再生
每個step都會用唔同嘅儀器去做，儀器係由德國同韓國出產，經過國際認可，包括歐盟CE、MFDS、COSMOS有機認證，信心安全可靠。儀器亦都會配合埋CLINICZ獨家的「SR 140重建元素」，可以去做番水原共生效果，令皮膚水亮彈滑。
Step 1：膠原激活
第一part會使用MDS膠原激活技術去刺激膠原大量增生，過程會激活肌膚真皮層以至到筋膜層中嘅整段膠原層，比起傳統HIFU激活得更深，更均勻，效果更理想。
MDS膠原激活技術係以螺旋式能量發射方式，響面部打圈做，令能量分佈更平均，只要20分鐘已經做好面同頸部，有效激活膠原同時提升及緊緻輪廓。另外，因為有觸感紓緩科技，相比起一般thermage或HIFU痛楚感細好多，唔需要搽麻醉膏或食麻醉藥都可以好舒服咁進行。
Step 2：水養膠原
激活膠原後，就要用水養活膠原。療程一開始會需要夾住一隻手指來偵測脈搏，感應細胞膜開合嘅節奏，當細胞膜打開嘅時候就注入SR140超級水份子，填滿細胞之間嘅空隙，為膠原提供3.5倍水份嘅理想共生環境。咁我哋嘅膠原就唔會好似乾嘅花膠咁，而係變得好似浸咗響水度，好水亮彈滑嘅花膠咁喇！
Step 3：延效再生
意思即係番到屋企都可以keep on生好多健康嘅膠原出嚟！不繼去做番個循環嘅環境。過程會使用Spectrum Healight 830修復光譜，配合埋SR140嘅珍罕因子、肽因子、修復因子同抗氧化因子進行。療程後會感覺毛孔細緻咗，皺紋、虎紋都會比之前撫平咗~
事不延遲，馬上就要展開約90分鐘嘅「水原共生」療程喇！
首先簡單清潔面部，然後就開始進行step 1嘅膠原激活喇！
治療師都會畀塊鏡我，同我先了解一下自己嘅皮膚問題位置添！
Step 1分兩part。首先會用儀器響面部及頸部打圈做，感覺好舒服。然後再定點做鞏固，呢part有啲位就會感覺到少少痛，但痛楚好短亦可以接受到~
Step 2分三part。治療師先在面部搽上SR140，然後儀器唔會掂到塊面，而係用激光打落面部，會感覺到暖暖哋，唔會有痛感~
Step 3分兩part。首先響面部同眼上搽上SR140，然後等待約15分鐘。等待嘅時間，會感覺到塊面越來越「猛住猛住」。就好似搽咗白膠漿咁，風乾嘅時候越扯越緊，感覺皮膚不斷被收緊。第二part係用Spectrum Healight 830修復光譜繼續敷，面罩會有啲暖風吹向面部，感覺啲營養不斷逼梗入去皮膚裡面，營養液不斷滲梗入肌底，正呀！
做完之後，膚色係明顯會見到白淨咗~
搽埋面霜、眼霜就完成！
臨走亦可以去化妝間補補妝，睇下有冇需要啦！跟住療程總監同我再睇番皮膚嘅改善狀況~
療程前(上)：皮膚紋理唔明顯、角質較厚
療程後(下)：健康咗，格仔紋明顯密咗、清晰咗
不過做完療程唔會立即見到最大功效，而係皮膚同輪廓都會慢慢改善，大概三個星期後就會見到最明顯效果。膠原激活後，係皮膚吸收水份嘅黃金時間，所以建議療程後連續keep住都敷番啲純補濕嘅mask，面同頸一齊去敷，同埋飲多啲水，效果就會更加靚喇！
所以做完療程後，自己都要勤力保養，療程功效可維持約14-21日，真係摸到啲皮膚係越來越彈滑，本來有暗粒嘅地方都變得幼滑咗。就好似飲飽水嘅海棉球咁呀！新儀器加新科技果然功效都正啲。效果好，梗係要推介畀愛靚嘅女士們啦！
仲有一樣好值得推介！就係試試CLINICZ獨有嘅「720皮膚紋理及輪廓分析」，可以零死角、完完全全知道自己輪廓、皮膚要改善嘅地方。想體驗嘅女士們，只要到 https://goo.gl/NVK5pR 登記，就可以免費獲體驗「720Scan Genius皮膚紋理及輪廓分析」(價值$1200)一次喇！
CLINICZ
地址：尖沙咀彌敦道100號The One 8樓
電話：2333 0988
網址：http://www.clinicx.com.hk
facebook：https://www.facebook.com/cliniczhk
定一話係回味梗上次去日本旅行啲嘢食呢？
無論咩原因都好，總之一聽到去食日本嘢就開心㗎喇！
果然冇令我哋失望，真係好多款式，而且好好味。
唔好以為我哋一次過食到咁多嘢，邊有咁大個胃呀？
其實係同朋友試完一次後食過番尋味，再帶晴朗爸爸去食過呀！
一試再試咪因為佢哋食材新鮮又多款，而且價錢算係幾抵食囉！
佢哋入單會按人數出份量，每款份量少，咁就可以試多幾款啦！
不過入座起計兩小時便要離座，可能會唔多夠喉呀！
除咗一般壽司，有芒果嘅款式我都特別鍾意，酸酸甜甜嘅味道令人更加開胃。
刺身、壽司、手卷以及其他食物質素都唔錯，有機會都想再嚟encore呀！