【家的味道・有heart小店】K & L CAFE

難得去開大埔，梗係想搵間啱大人同小朋友口味嘅餐廳醫下肚啦！住大埔嘅朋友極力推介我哋試下K & L Cafe，事關佢成日幫襯，話實啱我哋口味喎！一於貢入去睇下係真唔係先~
K & L Cafe位於大埔東昌街嘅住宅地舖，唔難搵。睇門面就知係一間西餐廳，但有咩咁特別呀？入去睇睇先~

第一印像係好有「家」的感覺，尤其係牆上嘅設計同佈置，好靚、好warm呀！

晴晴雙眼發晒光，原來有個corner位擺滿玩具，二話不說已經走咗去玩囉！

仲話要畫一幅畫送給爸爸添！

晴朗爸爸似乎好窩心喎！乜今日係父親節咩？？哈！

跟住就砌下lego先，響lego堆中發現多啦A夢公仔，咁又開心咗一大餐，小朋友嘅快樂就係咁簡單！

再欣賞一下牆上嘅設計丫！七彩繽紛嘅蕃茄摩天輪夾雜住店舖嘅食物相片，睇見都流口水喇！

仲有旋轉木馬同熱氣球，畫得好可愛，就好似置身於兒童樂園一樣呀！

突然發現一個櫃內有乾坤~

櫃內擺放咗一啲公仔...

小擺設...

仲有圖書供借閱添！

適逢農曆新年，餐牌上嘅菜式名稱都好有意頭呀！

卡拜啦啦 - 卡拜尼煙肉意粉

吉星高照 - 照燒汁肥牛雞扒意粉

如意吉祥 - 挪威煙三文魚 + 吞拿魚意粉

身壯力健 - 薄牛扒煎蛋配薯角

晴晴咩嘢都想試啲，睇下佢個碗啲食物疊到幾滿，真係盆滿缽滿喇！

K & L Cafe嘅食物精心人手炮製，裝修佈置都好有心思。小朋友食飯前後可以到玩具corner玩下，對佢哋要完成一碗食物更有推動力呀！經常幫襯連鎖食店，來到咁有heart嘅小店，感覺好唔同，真係好有「家」嘅感覺。聽朋友講，餐廳間中會推出一啲親子烹飪班，有機會都想參加下呀！想搞小型party嘅話，餐廳仲有包場服務添！大家如果同小朋友入開嚟大埔，不仿去呢度嘆番餐「家」的味道啦！朋友果然冇介紹錯。

K & L CAFE
地址：大埔東昌街東昌閣地下E舖
電話：6642 6289
facebook：https://www.facebook.com/pg/kl.cafe.cafe