2017年3月13日 星期一

【真材實料】雙如媽・新會老陳皮冰糖燉檸檬 + 薑棗膏

秋冬天氣唔只皮膚乾燥,喉嚨都會成日乾乾哋,大人細路又開始有啲咳喇!最近試咗隻冰糖燉檸檬,好好味!飲咗之後,喉嚨不但滋潤咗,啲乾咳仲舒緩咗呀!有好嘢點可以收埋收埋,梗係要同大家分享下啦!
【新會老陳皮冰糖燉檸檬】$150
一樽500g,大大樽,份量十足~


用匙羮畢起係深茶色嘅液體,仲有啲果皮絲同檸檬絲添!


連渣一齊加溫水,話咁快就變成一杯飲品喇!


朗朗由拆封至沖好,一直話想試飲。心急得佢丫!其實就係見佢呢排乾咳得好頻密,呢樽嘢特別為佢而買。好啦!就畀佢剪綵試下味。估唔到佢good good聲就飲晒,仲要連渣都啜埋食埋,係咪真係好味得咁緊要呀?XD


等我都試下先!入口第一感覺,點解會咁似檸檬茶嘅?味道好清甜,陳皮味唔會太重,唔怪得咁啱小朋友口味啦!我都好鍾意呀!


第二日,朗朗仲要求自己沖,話唔駛麻煩媽咪喎!(突然咁乖~ ^^''') 沖法好簡單,第1次先用兩湯匙沖大約150ml暖水或室温水,水唔好過熱。試味後再根據個人口味去加減份量就得㗎喇!


話咁快就沖好啦!好易啫!冇扼你㗎!Yeah!!!


朗朗每次都會連啲果肉同埋果皮絲,甚至乎所有渣都食晒。好呀!檸檬皮都好有營養,食埋對身體有益呀!


唔知點解,好似上咗癮咁。飲過一次之後,就會成日都想再沖嚟飲。大人就可以日日飲,小朋友就可以隔日。有時茶點時間,晴朗都要求沖番杯燉檸檬飲。真識嘆!


【新會老陳皮冰糖燉檸檬】完全冇防腐劑、冇添加劑,所以食用期為3個月,開蓋後要放入雪櫃保存新鮮~


檸檬係選用意大利西西里檸檬,由意大利空運抵港。檸檬全部未經打蠟,好新鮮同乾淨,所以啲檸檬皮絕對可以食埋。而陳皮就採用正宗新會陳化十五年陳皮,用料上盛,十分新鮮!至於功效方面,對於小兒百日咳、日常保健、熬夜上火、煙酒應酬過多、孕婦燥熱均可每日1杯。如果有咳嗽濃痰、喉嚨痛可每日3至4杯。夜晚咳得厲害嘅話,臨瞓前食半湯匙,止咳功效顯著。小朋友轉季可減少燥咳,孕婦每日保健飲用1杯,可幫助清胎熱~

晴朗隔兩日飲細細杯一次,一樽唔駛一個月就清晒!再添貨嘅時候,仲試埋佢哋嘅薑棗膏添!又係好嘢嚟呀!


【薑棗膏】$185
一樽480g,唔好睇佢大大件有排飲。如果每日飲用,其實好快就可以清晒~ XD


用匙羮畢出係深啡色嘅膏狀,當中夾雜咗薑、紅棗、桂圓肉、杞子等食材~


味道有少少薑辣,亦有桂圓嘅清甜,紅棗味濃郁。唔錯唔錯!簡直係女人嘅恩物~


不過唔只女人賞識,就連晴朗爸爸嘆早餐都話要整番杯,原來男人都啱飲。又冇錯喎!對於男人嚟講,飲咗有助健脾、益氣、補血、寧神、暖胃、驅寒除濕等功效~


建議早上或中午前任何時間飲用,唔好夜晚飲。可能怕桂圓肉太補血醒神,會搞到瞓唔著?XD


有健脾、益氣、補血、寧神嘅功效。主治風寒感冒、暖宮、痛經、暖胃、驅寒除濕。產前嘅孕婦不宜進食太多,因為有紅棗,怕食得多會燥,不過少量都可以。如果順產嘅媽媽,產後已經可以飲用。圓肉份量多,有寧神功效,有助瞓得好啲。而杞子補眼,對產後調理亦好有幫助~


未開封嘅冰糖燉檸檬可以存放於陰涼地方,開咗封嘅就要存放響雪櫃喇!而薑棗膏未開都要放入雪櫃,以保新鮮~

既然冰糖燉檸檬咁啱晴朗口味,而我又鍾意薑棗膏嘅味道同夠足料,兩款都一定會繼續買嚟飲呀!最鍾意係佢哋完全冇防腐劑,亦冇添加劑,畀小朋友食用可以更加放心啦!不過薑棗膏對於痰濕過多或陰虛火旺人士不宜多服,而兩款都唔適合糖尿病人士食用。每次食嘅時候,要用冇油冇水嘅乾淨匙羮畢出適量來沖水。仲有要提提大家!雙如媽係唔會keep存貨,全部即叫即做,確保新鮮。由於製作需時,如果送禮或急用就最好預早落order喇!晴朗爸爸啱啱訂咗幾樽燉檸檬送畀同事,同埋薑棗膏送畀啱啱生完bb嘅朋友,估唔到佢都咁識貨。堅係真材實料,值得推介呀!


雙如爸媽健康。家
facebook: https://www.facebook.com/YuYus.mama

沒有留言:

張貼留言