2017年3月23日 星期四

【懷舊風味】老夫子餐館 OMQ Diningroom

《老夫子》曾經陪伴不少人成長,一講起佢啲童年回憶又「澎澎聲」番番晒嚟!咩話?你未睇過?唔好扮細喎!睇開我哋嘅都應該有番咁上下「成熟」。仲記得漫畫中好多情節都好搞笑抵死,特別係大蕃薯呢個角色,我就鍾意佢夠晒蠢喇!既然《老夫子》帶畀大家咁多回憶,不如就一齊走進屬於佢嘅世界,一齊傻頭傻腦一番囉!
去到大廈門口,已經見到老夫子出來迎接喇!服務態度攞滿分~ XD


餐廳響1樓,快啲上去囉!


樓梯間展示咗唔同年代嘅《老夫子》封面,每本都令人好回味~


牆上仲貼滿大家最熟悉嘅老夫子、秦先生同大蕃薯添!


上到嚟一樓原來仲多展示品,行近啲睇睇先~


大蕃薯蝴蝶酥


老夫子毛公仔


蜂巢蛋卷


連cushion都有喎!好想攬住隻大蕃薯嚟睇電視呀!XD


display櫃仲有多款同老夫子有關嘅產品~


吊飾公仔、紙膠帶、陶瓷碟


《老夫子》原來有出英文版,好犀利呀!


亦有教成語嘅書藉,連keyboard貼紙都有埋,又幾過癮喎!


八達通套,笑樣果個好好笑,正能量發送~~~


講講下朋友都到齊喇!當然要同餐廳門外呢幾個老夫子同大蕃薯影番張合照啦!


大番薯盆栽,好搞鬼!督下佢先~ XD


HELLO! 我哋入去囉!gogogo~


近門口位置擺咗幾盒老夫子積木,好得意呀!如果朗朗見到實話要拆嚟玩啫~ ^^'''


餐廳佈置得好有特色,四圍都會聞到老夫子嘅味道,就連天花板都唔例外呀!


自成一角嘅VIP房都裝修得好靚,無論牆上嘅裝飾,一話係餐枱、椅子都圍繞着《老夫子》主題而設計,真係有心思~


望上天花板仲可以回味一下漫畫細節添!


我哋人少少,被安排坐餐廳中間位置,對住好大個老夫子呀!


不如入埋去漫畫度,揸下秦先生部車啦!呠呠~


個肚打晒鼓喇!快啲落order啦!


碟上印有餐廳名字,而且設計獨特,餐具可以啱啱好卡晒在碟上,好有創意呀!


先嚟餐湯及餐包,餐包又軟熟又暖,好有六十年代風味~


瑞士汁燒乳鴿,佢個樣好似講梗「唔好食我呀!」XD


黑椒汁燒春雞 - 木板+鐵板咁上,好like呢種壞舊風味。雞肉嫩滑,炸薯塊脆口,加埋啲黑椒汁,好好味呀!


洋蔥圈 - 大大個水泡圈,賣相都唔輸蝕㗎!


焗葡國雞飯 - umm...好香呀!葡汁調較得洽到好處,加上雞肉滑,整得唔錯,好飽肚~


芝士焗蟹蓋 - 一個咁少點夠分呀?仲唔快啲拿拿林叫多兩個?XD


瑞士雞翼 - 色香味俱全,必食推介!


香煎鱸魚伴雙色薯蓉 - 醉翁之意不在酒,重點落咗響雙色薯蓉身上。綠色薯蓉係菠菜味,而粉紅色嘅就應該係染咗色嘅一般薯蓉嚟!夠晒特別!


西班牙黑毛豬伴炸蕃薯條(配芥茉籽汁) - 估唔到厚切豬扒都可以煮得咁鬆軟,點埋秘製醬汁,正呀!


法式羊扒伴焗薯(配燒汁) - 羊扒唔騷,而且肉質好juicy,唔食羊嘅朋友就冇口福喇!


成枱都係餸,相機食完就到我哋啟動喇!

響呢個時候畀大家睇睇個menu啦!


連menu都設計得咁精美,果然係由頭包裝到落尾,十分完美! (以下menu可按圖放大)

冬日推介:

沙律:

湯類/小食:

三文治:

主菜/焗製類:

鐵板:

咖喱:

素菜:

咖啡系列:

精選飲品:

果茶及花茶系列:

特飲:

沙冰:

奶昔/果汁:

甜品:

蛋糕:


啲蛋糕款款都好吸引呀!

相信睇過《老夫子》嘅朋友,都會被佢幽默有趣、文字簡潔嘅手法所吸引,簡直係一本老少咸宜嘅讀物呀!餐廳嘅佈置令我哋好似置身於漫畫故事裡面一樣,好喜歡各式各樣嘅《老夫子》擺設,連餐牌都運用咗《老夫子》常用嘅四字詞語作為食物名稱,可見老闆真係花咗唔少心機。進入完《老夫子》世界之後,真係有種衝動想睇番啲漫畫回味一下呀!一於買番本同晴朗一齊睇,趣味十足之餘仲可以學埋四字詞語,一舉兩得呀!無論你係唔係《老夫子》粉絲,嚟到餐廳都一樣會四到處舉機自拍,一樣食得咁開心!又過咗嘻嘻哈哈、搞笑低能嘅一個晚上喇!老夫子、大番薯同埋秦先生係好朋友,我哋都要好似佢哋咁,友誼永固呀!


老夫子餐館 OMQ Diningroom
地址:太子彌敦道777-781號安寶樓1樓
電話:3702 1678
facebook: https://www.facebook.com/omqdiningroom

沒有留言:

張貼留言