2017年5月12日 星期五

【宜蘭親子遊】宜蘭餅發明館

平日同晴朗在家DIY得多,都發現佢哋同我一樣,好多嘢都鍾意自己整。好玩得嚟又攞到滿足感丫嘛!其中以整餅、整甜品最受歡迎!小朋友就係愛甜食㗎啦!難得去到宜蘭,梗係要試下DIY當地有名嘅牛舌餅啦!箇中樂趣好難以筆墨形容,簡單啲講,係一次好笑又好味嘅體驗呀!
呠呠~ 一列載著唔同特產嘅火車正駛過來,加啲幻想,就好似聞到新鮮出爐嘅香味咁呀!XD


巨型牛舌餅+餅模,門外嘅設計好有特色~


真係好巨型,勁誇張!就係咁先吸引到我哋過嚟影相嘛!^^


晴朗對每一件事物都感好奇,見到金牛又話要影番張喎!我都想要金牛呀!*o*


大紅燈籠高高掛,四周圍的亭台樓閣,環境好有中國傳統風味~


宜蘭餅DIY即將開始,are you READY???


嘩!課室好大呀!可以同時間接待大型團體嚟DIY,好有規模~


仲有大大隻比卡超添!pica~ ^o^


但我哋呢班人唔多,所以去咗一間細啲嘅班房。課堂開始喇!仲以為睇powerpoint會好悶,點知導師講解得十分風趣幽默,氣氛好好呀!


開始動手整啦!首先將麵粉糰搓成長形。晴晴當泥膠咁玩,睇佢玩得幾開心?XD


然後切成六份,可以用嚟整六塊牛舌餅呀!


前排較深色嘅係內餡,後排果六份麵粉糰就係啱啱切好㗎啦!Yeah!!!


跟住就將內饀放響麵粉糰上,再好似包餃子咁包好佢~


就係咁!包起咗就見唔到內饀喇!


再將整個粉糰碌平佢,最好要薄一啲~


最後響每一塊嘅中間輕輕切一條痕跡~


完成喇!可以預備入爐lu~

等待焗餅期間,出去四圍參觀下先~


原來宜蘭餅始創於2001年,產品年鑑如下:
2001 超薄牛舌餅
2002 綠薄餅
2003 軟式牛舌餅
2004 貴客金桔
2005 童頑子
2006 藏金棗
2007 米香香
2008 最牛
2009 五鐙餅
每年都研發出新產品,佢哋都好有心機同創意喎!


原來傳統搓麵糰係咁樣㗎!大開眼界~


晴朗對於呢本互動書好有興趣,睇到咔咔笑!我哋都對宜蘭餅認識多咗好多呀!


我哋啲餅出爐喇!


新鮮出爐嘅牛舌餅散發出濃郁嘅奶香味,香脆可口,好好味!整得好成功呀!hohoo~


嘆完自己整嘅餅之後,好有衝動想買番啲帶番屋企~

呢度貨品琳瑯滿目,花多眼亂,多到都唔知揀邊款好。選擇困難症又發作喇!XD


最後,揀咗最出名嘅牛舌餅,原來有好多種口味㗎!
鮮奶:超薄宜蘭餅第一支口味
乳酪:鹹口味,口味較重是重乳酪
楓糖:研選加拿大楓糖製造,味道濃郁,等級比蜂蜜更高
三星蔥:鹹口味,採用宜蘭三星蔥農會的蔥鮮製而成
竹炭芝麻:竹炭本身無味因此加入芝麻調味,屬於養生產品
海苔:海苔加菠菜,小朋友的最愛
香椿:鹹口味,素食者不可食蔥,可用香椿替代
椰香:最清香的味道
咖啡:採用進口巴西咖啡豆,味道香醇,成本高

每款都買啲,咁咪可以試齊晒囉!^o^


又玩又食又掃貨,好開心呀!

親手DIY過先知原來宜蘭有名嘅牛舌餅只有0.1cm薄,唔怪之得咁脆口啦!佢哋係用成本較高嘅瑞典炫風式烤爐,餅受熱比較平均,所以烤出嚟啲餅嘅顏色都會均勻啲。餅皮同埋餡料一定要分開整,咁先可以響超薄嘅厚度中食得出內餡嘅口感。工廠都係用人工方式嚟完成包餡動作,再整成牛舌造形,步驟都幾費功夫㗎!所以好欣賞佢哋堅持人手製作,真係食得出每一塊餅嘅人情味呀!材料當中用咗高級嘅粉心粉麵粉、熱量比豬油低嘅天然奶油同埋比傳統砂糖低甜嘅天然海藻糖,唔單只好味,原來仲咁健康,密密食都唔怕啦!嚟到宜蘭,買手信唔再局限於鳳梨酥,唔買番啲牛舌餅番去又點算嚟過宜蘭呀?想同小朋友玩DIY又想買埋手信,呢度絕對係一個好選擇呀!


宜蘭餅發明館
地址:宜蘭縣蘇澳鎮隘丁里海山西路369號
電話:03-9905999
網址:http://www.i-cake.com.tw
facebook: https://www.facebook.com/ICAKEInventionHall


FIND US on:
     

BLOGs:

CONTACT US:

沒有留言:

張貼留言